Nga fusha e futbollit në prokurori, derbi i Italisë nuk përfundon kurrë

Kanë kaluar dy ditë nga derbi i Italisë ndërmjet Interit dhe Juventusit të zhvilluar të dielën por episodet e dyshimta që u krijuan gjatë 90 minutëshit do ta bëjnë këtë sfidë të mos përfundojë kurrë.

Te Inter nuk mund ta përtypin kartonin e dytë të verdhë të munguar për Panjiç, por ajo që i inatos më shumë sesa vendimet e gabuara të Orsatos është bërë sjellja e gjyqtarit të 4-ët, Paolo Tagliavento, i cili në zonën miks të stadiumit( vendin ku jepen intervistat) ka shkëmbyer disa fjalë me trajnerin e Juves Allegri të cilat lënë vend për interpretim, ndërkohë është kapur edhe një tjetër video ku Tagliavento flet me Orsaton në kufje në momentin e golit të barazimit 2-2 të Juventusit dhe i thotë fitojmë ne shtesë, edhe pse asgjë nuk dëgjohet qartë dhe ka shumë gjasa që gjyqtari t’i ketë thënë kryesorit, sa minuta shtesë do të akordojmë.

Polemikat për derbin e Italisë nuk kanë fund pasi prokuroria e ligës italiane të futbollit ka kërkuar të shikojë me imtësi këto dy video që po bëjnë xhiron e botës dhe mbetet për t’u parë se çfarë do të ndodhë. E sigurtë është Inter-Juve nuk përfundon asnjëherë pasi rivaliteti mes tyre vazhdon edhe përej fushës së blertë.