Nis Superliga shqiptare e shahut, e para e njohur zyrtarisht nga FIDE

Fotot: Nga gara e Superligës 2016

Nis sot në Tiranë në sportin e shahut, Finalja e Kampionatit Kombëtar Ekipor, Superliga, e cila do të vazhdojë 9 ditë. Në garën më të rëndësishme të vitit 2017 do të garojnë 40 lojtarë të 10 formacioneve elitare, përveç rezervave si dhe 10 lojtarë të rinj, që për herë të parë do të garojnë në tavolinën 5 në përbërje të çdo skuadre.

Gara për herë të parë do të jetë e njohur zyrtarisht nga FIDE.

Instruktori kombëtar i FIDE, z. Arian Bllaca është ngarkuar nga FSHSH-ja të jetë pjesë e stafit të arbitrave që do të vëzhgojnë dhe ndikojnë mbarëvajtjen e kësaj gare kaq të rëndësishme.