Një vit më parë ishte pranë Bayernit, këtë verë Hudson Odoi afrohet me Dortmundin

Callum Hudson Odoi pritet të transferohet në Bundesligë, por jo te Bayerni. Sulmuesi i talentuar i Chelsea-t, kërkohet me ngulm nga Borussia e Dortmundit dhe duket se së fundi ka dhënë miratimin për t’u transferuar, pasi synon të luajë rregullisht.

Një vit më parë sulmuesi u kërkua me ngulm nga Bayerni i Mynihut, por Chelsea rezistoi dhe nuk e lëshoi talentin, që më pas u penalizua nga dëmtimet dhe nuk arriti të fitojë një vend si titullar në formacionin e Thomas Tuchel.

Ndryshimi i skemës së londinezëve ka bërë që Hudson Odoi të gjejë veten jashtë planeve, pasi është një sulmues tipik krahu, ndaj do të mirëpriste një transferim te Borussia Dortmund.