Lando Norris vazhdon marshimin drejt titullit botëror. Pas triumfit në Sprint, piloti britanik i McLaren fitoi edhe Çmimin e Madh të Brazilit, duke thelluar diferencën në krye të renditjes. Pas tij u rendit Mercedes-i i talentit italian Andrea Kimi Antonelli, i cili startoi nga vija e parë pranë Norris dhe siguroi podiumin e dytë në karrierë, duke përmirësuar vendin e tretë të arritur pesë muaj më parë në Kanada.
Në fundin e garës, Antonelli mbajti me forcë vendin e dytë përballë rikthimit të furishëm të Max Verstappen. Piloti holandez, që nisi garën nga bokset, arriti një ngjitje spektakolare deri në vendin e tretë, duke mbyllur fundjavën e tij me një tjetër paraqitje të jashtëzakonshme.
Oscar Piastri, i penalizuar me dhjetë sekonda për një incident me Antonellin në fillim të garës, nuk shkoi më shumë se vendi i pestë. Australiain e ndali në minutat e fundit George Russell, i cili mbajti vendin e katërt pavarësisht një fundjave të vështirë, ku u tejkalua vazhdimisht nga Antonelli.
Pas Piastrit u renditën Oliver Bearman, Liam Laëson dhe Isack Hadjar. Pikë morën edhe Nico Hulkenberg dhe Pierre Gasly.