Nxirret trupi që ishte në avionin e mbytur ku ndodhej Emiliano Sala

Operacioni për nxjerrjen e trupit nga avioni i mbytur në Kanalin Anglez ka përfunduar me sukses. Avioni Piper Malibu N264DB, që transportonte sulmuesin argjentinas Emiliano Sala dhe pilotin 59-vjeçar David Ibbotson nga Franca për në Cardiff, u zbulua në brigjet e Alderney të dielën në mbrëmje.

Avioni i mbytur ishte në një thellësi prej 67 metrash, ndaj ishte e pamundur nxjerrja e tij. Për këtë arsye, u bë gjithçka ishte e mundur që trupi brenda avionit të nxirrej prej tij pa u dëmtuar, ndërkohë që rrënojat e avionit nuk mund të nxirren në breg.

Nuk është zbuluar ende nëse trupi i nxjerrë prej avionit është i futbollistit 28-vjeçar, apo pilotit.