Ofendoi rëndë arbitrin, Keidi Bare merr një pezullim të gjatë në Spanjë

Lajme aspak të mira nga Spanja për Keidi Baren, mesfushorin shqiptar të Atletiko Madrid B, që u ndëshkua me të kuq në ndeshjen ndaj Deportivo La Korunja B këtë fundjavë, por akoma më keq, në relacionin pas ndeshjes, arbitri kishte shënuar se e kishte sharë me fjalë të rënda. “Shko q**”, iu drejtua mesfushori arbitrit sipas mediave iberike.

Komisioni i Disiplinës ka marrë vendimin për ta pezulluar me 8 ndeshje shqiptarin për këtë sjellje dhe fjalë të pahijshme, shto këtu, edhe një ndeshje prej kartonit të kuq, që mori gjatë ndeshjes.