Orsato nën mbikëqyrje: Fëmijët e mi janë të shqetësuar!

Daniele Orsato nuk po kalon ditët e tij më të mira në karrierën si arbitër. Në fundjavë ai është kritikuar për disa vendime që mori në derbin e Italisë, Inter-Juventus. Gazeta “Corriere di Veona” ka shkuar në Recoaaro, vendin ku banon gjyqtari për të bërë një intervistë.

“Unë jam bashkëshortja e Daniele Orsanos. Nuk lëshoj deklarata. Nuk hem asgjë”, ka qenë reagimi i saj.

Ndërkohë që më pas dallohet edhe arbitri, i cili ka veshur një fanellë me ngjyrat e Italisë, dhe sapo ka marrë fëmijët nga shkolla. “Ata (fëmijët) janë të shqetësuar, dhe nuk dua që kjo gjë të ndodh. Flisni me federatën, pasi unë nuk bëj asnjë deklaratë”, ka thënë Orsato në hyrje të shtëpisë së tij.

Por policia e zonës konfirmon se gjyqtari Daniele Orsato dhe familja e tij janë nën mbikëqyrjen e policisë edhe pse kjo nuk është e afërt, por nga një distancë diskrete, për të evituar probleme.  /Koha Jonë/