Panuçi merr një lajm shokues, mesfushori i Kombëtares mbyll para kohe sezonin

Amir Abrashi e ka mbyllur para kohe sezonin. Mesfushori i kombëtares shqiptare është dëmtuar në ndeshjen me Herta Berlin, teksa fillimisht ishte menduar për një dëmtim të lehtë. Klubi i Freiburgut ndërkohë në një dklaratë për shtyp ka njoftuar se mesfushori shqiptar duhet të operohet.

Pas kontrolleve mjekësore është mësuar se mesfushori shtatshkurtër ka këputur ligamentin e gjurit të djathtë dhe nuk i shpëton dot operimit. Mungesa e tij do të jetë e gjatë, rreth gjashtë muaj, ndaj ky është një lajm shumë i keq për stafin teknik të skuadrës gjermane.

Ky është një dëmtim i përsëritur, pasi edhe në sezonim e kaluar, ai ka pasur probleme në gju, duke munguar në shumë ndeshje.  Gjithashtu edhe për Shqipërinë ai do të mungojë, çka i prish planet e trajnerit Panuçi. Më shumë mundësi mesfushori do të humbasë ndeshjet që Shqipëria luan me Izraelin dhe Skocinë në shtator në Nations League.