Partizani barazon me Lushnjën dhe largohet nga zona europiane (VIDEO)

Partizani ka zhgënjyer edhe këtë javë, teksa nuk shkoi më shumë se një barazim 1-1 ndaj Lushnjës së dorëzuar tashmë, pasi ka rënë prej javësh në Kategorinë e Parë. Të kuqtë humbën mundësinë e fundit për t’u afruar në zonën europiane,nsepse pas humbjeve me Kukësin dhe Skënderbeun, dështojnë aty ku nuk lejohej dhe shohin Luftëtarin t’i largohet me 4 pikë diferencë.

Trajneri Ilir Gjyla mori një përgjigje mjaft pozitive nga emrat e rinj, të cilëve u besoi në këtë takim, ndërsa Dalipi kuptoi arsyen pse shumë teknikë kanë dështuar në drejtimin e Partizanit. Për statistikë, golat u shënuan nga Pepa në minutën e 69-të, me 11-metërsh, ndërsa për Partizanin barazoi Batha në minutën e 89-të.