Partizani drejt shërimit, Kote negativ

Partizani është duke e “mposhtur” totalisht Covid-19. Klubi i kuq ka njoftuar se e ka kaluar koronavirusin edhe një tjetër lojtar Kristi Kote dhe pozitiv mbetet vetëm një nga 5 futbollistët e infektuar. Boldor dhe Ferati ishin të parët që e kaluan Covid-19 në skuadrën e kuqe. Më pas negativ në ritestim doli Esat Mala dhe së fundi edhe Kristi Kote e ka fituar betejën. Pra katër futbollistë nga 5 të infektuar e kanë kaluar koronavirusin dhe në karantinë ka mbetur vetëm Eraldo Çinari.