Partizani largon nga ekipi sulmuesin Nikoliç

Klubi i Partizanit ka ndërprerë bashkëpunimin me sulmuesin Stefan Nikoliç. Lajmin e ka bërë vetë të ditur klubi nëpërmjet një postimi në faqen e Facebook.

Partizani shkruan se e ka ndërprerë marrëveshjen me sulmuesin 28 vjecar me mirëkuptim nga të dyja palët, duke i dhënë mundësi lojtarit nga Mali i Zi të jetë i lirë.

Ja postimi i plotë:

ZYRTARE

Klubi njofton mbylljen e bashkëpunimit me Stefan Nikoliç. Sulmuesi 28 vjeçar dhe klubi kanë vendosur të ndërpresin me mirëkuptim marrëveshjen mes palëve, duke i dhënë mundësi lojtarit nga Mali i Zi të jetë i lirë. Nikoliç ishte pjesë e skuadrës në dy përballjet e Europa League që ekipi zhvilloi ndaj sllovenëve të Maribor.
Klubi i uron njëkohësisht Stefan Nikoliç suksese në karrierën e tij sportive.