Partizani, refuzohet dorëheqja e Starovës

Partizani ka refuzuar dorëheqjen e trajnerit Sulejman Starova, duke konfirmuar kështu në detyrën “Bobin” për pjesën e mbetur të kampionatit.

Edhe pse trajneri i njohur i “të kuqve” deklaroi dorëheqjen një ditë më parë, pas humbjes së thellë 5-0 të Partizanit në fushën e Luftëtarit, drejtuesit më të lartë të “demave” nuk e kanë pranuar atë.

Kjo është situata më e rëndë në të cilën mund të ketë kaluar Partizani vitet e fundit, e një dorëheqje e dytë pas vetëm 6 javësh në krye e Starovës, pas largimit të mëparshëm të Mark Iulianos, do ta fuste ekipin në kaos.

Por, drejtuesit e “të kuqve” duket se do t’i besojnë edhe më tej bashkëpunimit me njeriun që shpeshherë është përdorur në momente të vështira, për ta shpëtuar ose për ta ngritur në nivelet më të larta ekipin e Partizanit.