Pas kontratës Chelsea e merr Brojën edhe në ekipin e parë

Pas kontratës së parë si futbollist profesionist, Armando Broja merr vlerësimin e parë nga Chelsea. Sulmuesi i talentuar shqiptar u grumbullua nga trajneri Frank Lampard, në mënyrë që të stërvitet me ekipin e parë.

Broja ka punuar përkrah yjeve Kante, Jorginho, Giroud, apo të riut premtues Mason Moun-t. Përfshirja në ekipin e parë është një lajm i mirë për sulmuesin e Shpresave të Shqipërisë.

19-vjeçari ka shansin të mësojë nga yje të nivelit botëror, ndërsa do të presë mundësinë nga trajneri Lampard, për t’u grumbulluar në ndeshjet e Premier Ligës angleze.