Përcaktohet data se kur do të luhet derbi Milan-Inter

Derbi Milan-Inter i parashikuar të luhej pak javë më parë në “San Siro” do të luhet më datë 4 prill në orën 18:30. Mediat italiane raportojnë se ndeshja e javës së 27-të të kampionatit italian mes dy klubeve të qytetit milanez është përcaktuar që të luhet një ditë pas përballjes që Juventus do të zhvillojë ndaj Real Madrid në kuadër të fazës çerekfinale të Ligës së Kampionëve.

Derbi “Madonina” nuk u luajt për shkak të tragjedisë që ndodhi në Serie A, ku kapiteni i Fiorentinës u gjet i vdekur në dhomën e hotelit, ku skuadra ishte grumbulluar në prag të ndeshjes që do të luante ndaj Udineze.