Përcaktohet shkalla e dëmtimit të Imobiles, ka shpresa për sfidën ndaj Interit

Çiro Imobile ka ende shpesa për të luajtur në ndeshjen më vendimtare të Lacios në këtë fund sezon. Sulmuesi i Lacios doli nga fusha pas vetëm 10 minutash lojë në sfidën e fundjavës së kaluar mes Torinos dhe skuadrës bardhekaltër, ka pësuar një tërheqje të shkallës së parë në bicepsin femoral të këmbës së djathtë dhe do të qëndrojë nga 15 deri në 20 ditë jashtë fushave të futbollit.

Sipas mediave italiane ai ka ende shpresa që të rikuperohet për sfidën e fundit të kampionatit ndaj Interit, por edhe në këtë rast Lacio do ta rrezikojë lojtarin vetëm nëse kjo ndeshje do të jetë një finale për një vend në Champions League sezonin e ardhshëm.