Pësoi gol duke pirë ujë, portieri i Duisburgut blen shishen 2000 euro në ankand

Një nga episodet më të çuditshme në historinë e futbollit  ka qenë padyshim ajo që ka ndodhur para disa ditësh në Gjermani. Veprimi i portierit të ekipit gjerman, Fleken, i cili ka shkuar të pijë ujë gjatë ndeshjes, i ka habitur të gjithë, pasi në atë rast ai ka pësuar gol.

Episodi ka ndodhur në një ndeshje të vlefshme për Bundesligën e Dytë gjermane dhe klubi i Duisburgut e ka nxjerrë shishen në ankand. Vlera e saj arriti në 2.000 euro dhe u ble nga vetë portieri Fleken.