Pioli shpërthen: Po na ndodhin gjëra të çudishme

Trajneri i Milan-it, Stefano Pioli është shfaqur i pakënaqur pas barazimi 1-1 ndaj Fiorentinës, teksa skuadra e tij nuk mundi të administronte avantazhin e rezultatit dhe numerik në fushë.

“Jemi përgjegjës për rezultatin, sepse e kishim ndeshjen në dorë, bëmë gjithçka duhej të bënim, por më pas nuk luajtëm më pasi Fiorentina mbeti me dhjetë lojtar.

Jemi treguar sipërfaqësor dhe kemi bërë gabime. Penalltia nuk ishte, nuk ka asnjë dyshim për këtë. Mund ta shikoje nga stoli se topi lëvizi pas ndërhyrjes së Romagnoli-t. Nuk e kuptoj pse nuk përdoret teknologjia në këto raste. Nuk e kuptoj.

Duhej ta kishim fituar ndeshjen dhe ishim në kushtet për ta bërë një gjë të tillë. Unë besoja se VAR ndihmonte arbitrin për të marrë vendimin e duhur, por duket se nuk është kështu”, deklaroi Pioli.