Pritet vetëm firma, “Bild” zbulon trajnerin e ri të Bajernit

Bajerni i Mynihut e ka vendosur se kush do të jetë trajneri i ri për sezonin e ardhshëm, dhe do të zëvendësojë Jup Hejkens. Drejtuesit e ekipit gjerman kanë lajmëruar disa javë më parë se trajneri i ri do të vendoset gjatë prillit.

Sipas informacioneve të “Bild”, Niko Kovaç do të jetë trajneri i ri i rekordmenëve. 46-vjeçari ka një kontratë deri në 2019 me Eintraht Frankfurt, që do të thotë se Bayern duhet të paguajë një shumë parash për të marrë shërbimet e tij.

Kovaç ka luajtur te Bayern nga 2001 deri 2003 dhe ka fituar titullin dhe Kupën e Gjermanisë. Pasi u bë e qartë se Hejnckes nuk do të ishte në stolin bavarez sezonin e ardhshëm, Kovaç ishte kandidati kryesor pasi i ka të gjitha kriteret. Ka luajtur te Bayern, di gjermanisht dhe ka eksperiencë në Bundesliga si trajner.