Pritjet më të bukura të javës, Strakosha sfidon Donarumën dhe Handanoviç (VIDEO)

Tomas Strakosha vijon të shkëlqejë në Seria A. Portieri i Kombëtares sonë për të disatën herë gjatë këtij sezoni, është kandidat për të fituar garën për pritjen më të bukur të javës (32-të). Ka qenë vetë adresa zyrtare e Serisë A në rrjetet sociale ajo që ka bërë të ditur se edhe shqiptari ishte protagonist i 5 ndërhyrjeve më të mira të bëra gjatë fundjavës.

Strakosha bëri një ndërhyrje shumë të bukur ndaj Xhekos në minutat shtesë, ndërkohë që padyshim në listën e 5 pritjeve më të bukura është edhe Donaruma, i cili bëri një ndërhyrje shpëtimtare ndaj Milik në minutat e fundit.