Problemet me zemrën trondisin lojtarin e njohur, lë futbollin në moshën 27 vjeçare

Alessandro Martinelli është tërhequr nga futbolli i luajtur. Kapiteni i Palermos është detyruar t’i japë fund futbollit të luajtur në moshën 27-vjeçare.Problemet kardiake kanë bërë që të varë këpucët në gozhdë në një moshë fare të re.

Lajmin e ka bërë me dije vetë klubi italian që përmes një njoftimi në kanalin zyrtar lajmëronte:“Ekzaminimet e thella mjekësore, të cilave iu është nënshtruar Alessandro Martinelli në javët e fundit, fatkeqësisht kanë treguar se është e pamundur për të që ta vazhdojë karrierën si futbollist.”

Të gjithë te Palermo shprehin keqardhje të thellë dhe i qëndrojnë afër Martinellit, i cili ka qenë ndër protagonistët më të rëndësishëm për ringjalljen e ekipit dhe një lider, si në fushë ashtu edhe jashtë saj. Faleminderit për karakterin e jashtëzakonshëm, si edhe për talentin e madh si sportist”.