Provokon para ndeshjes me Skënderbeun, tifozët serb e bëjnë hero kapitenin e Cervena Zvezdës

Kapiteni i Cervena Zvezdës, Mishel Donald, ka përfituar nga ndeshja e së enjtes mes Partizanit të Beogradit dhe Skënderbeut, për të patur sa më shumë mbështetje nga tifozët serb. Futbollisti me origjinë nga Surinami i cili disponon edhe pasaportën holandeze nëpërmjet rrjeteve sociale ka provokuar i pari duke postuar një foto në të cilën shkruhej “Kosova është Serbi”.

Kapiteni i skuadrës së Cervenas e bën këtë gjest menjëherë pasi Surinami u tërhoq nga njohja e pavarësisë së Kosovës. Gjithsesi ky veprim i 28-vjeçarit i ka pëlqyer shumë tifozëve serbë.

“Çdo nderim për këtë njeri të madh dhe kapitenit të madh të dashurisë dhe besnikërisë por edhe Surinamit të tij për guximin”, shkruan një tifoz Serb.

“Një dhe i vetmi, kapiteni më i mirë”, shkruan një tjetër.