Real Madrid ka gati strategjinë për të rrëmbyer Eriksen nga Tottenham-i

Reali i Madridit është në kërkim të një mesfushori cilësor për sezonin e ardhshëm. Emri më i përfolur në merkato është Christian Eriksen. Drejtuesit e klubit “merengues” synojnë të përfshijnë në bisedimet me homologët e Tottenhamin kartonin e James Rodriguezit, që është i huazuar te Bayerni i Mynihut.

Më emërimin e trajnerit Niko Kovac, mesfushori kolumbian nuk po aktivizohet në vazhdimësi, me mediet angleze që e kanë afruar te Arsenali, si zëvendësues i Mesut Ozil.

Por “AS” nga ana tjetër ngre hipotezën e përfshirjes edhe të Jamesit në bisedimet për Eriksen, i cili është i lidhur me Spurs-at deri në vitin 2020. Në rast se nuk rinovon kontratën, Tottenhami do të jetë i detyruar për ta shitur. Për ta ulur çmimin, Reali ka programuar të shtojë në ofertë edhe Jamesin.