Reali fiton me “manita” ndaj Celta Vigos, shkëlqen Benzema me tripletë (VIDEO)

Real Madridi vijon ecurinë e rezultateve pozitive në La Liga duke fituar me lehtësi 5-2 ndaj Celta Vigos në “Santiago Bernabeo”. Skuadra e Ancelottit në fakt i mbylli në disavantazh 45 minutat e para, teksa Santi Mina dhe Cervi shënuan për miqtë, ndërkohë që Benzema shënoi golin për Los Blancos.

Fraksioni i dytë ishte fantastik për Realin, që do të gjente barazimin vetëm pas pak sekondash me një super gol me kokë të Benzema. Më tej mund të quhet ndeshja e Vinicius Junior që shënoi një nga golat dhe fitoi një penallti që u kthye në gol nga Benzema. Francezi vulosi tripletën personale në këtë ndeshje.

Kishte festë edhe për Eduardo Camavinga, i cili shënoi golin e katërt për Realin. Los Blancos ngjiten në krye me 10 pikë, po aq sa Valencia dhe Atletico Madrid. /R.Lika-Koha Jone/