Roma mbush arkën pas kualifikimit historik në Champions League

Kualifikimi në gjysmëfinalen e Ligës së Kampionëve është një arritje jo vetëm në aspektin sportiv, por edhe në atë ekonomik për skuadrën e Romës.

Pas kësaj arritjeje, Xhejms Palota ka mbushur arkat e klubit dhe në këtë mënyrë merr frymë lirisht për faktin se Roma do të ketë likuiditet më të madh dhe do të shmangë disi problemet që ka pasur me bilancin në vitet e fundit.

Bileta për në gjysmëfinalet e Championsit vlen afro 80 milionë euro, duke mos llogaritur të ardhurat që janë përfituar nga shitja e biletave për ndeshjet e luajtura në stadiumin “Olimpico”.

Vetëm kualifikimi si një nga katër ekipet më të mira të Europës vlen 7,5 milionë euro, shtuar arritjeve të tjera.