Roma shkatërron SPAL-in dhe blindon vendin e tretë në Seria A (VIDEO)

Roma vijon momentin pozitiv në këtë fund sezoni edhe në Seria A. Skuadra e Eusebio Di Françeskos ka shkatërruar SPAL-in në transfertë, duke ruajtur vendin e tretë në tabelën e renditjes.

Verdhekuqtë zhbllokuan ndeshjen në minutën e 33-të, teksa mbrojtësi Vicari devijon topin në portën e tij. Në fillimin e fraksionit të dytë Roma gjen dhe golin e dytë. Naingolan lëshon një të djathë të hidhur në hyrje të zonës, e cila nuk mundi që të ndalej nga portieri Meret.

8 minuta më pas Pelegrini jep një asist fantastik në zonë për Shik, i cili e ka të thjeshtë për të shënuar golin e parë me fanellën e Romës në Seria A. Verdhekuqtë mbeten në vendin e tretë me 67 pikë, 3 më shumë se Lacio dhe 4 më shumë se Interi. /Koha Jonë/