Rumenige: Ishim në gjendje që ta dërgonim Realin e madh në humnerë …

Kryetari i Bordit të Bajernit, Karl-Heinz Rumenige ka lavdëruar futbollistët e ekipit të tij, pavarësisht eliminimit në gjysmëfinale të Championsit ndaj Realit.

“Jemi të gjithë të mërziur, sepse mund ta kishim Realin e madh në humnerë. Kjo ishte ndeshja më e mirë e Bajernit në 5 vitet e fundi. Unë mendoj se jo vetëm Bajerni, por e gjithë bota, kanë thurur elozhe dhe respekt për ekipin tonë dhe trajnerin Jup Hejkens. Trajner falënderoi lojtarët në dhomat e zhveshjes, ai tha diçka shumë emocionuese: Ne nuk arritëm deri në fund të Championsit, por kemi finalen e Kupës pas dy javësh në Berlin. Synimi dhe përgjegjësia jonë është të fitojmë dy trofe këtë sezon”, ka thënë Rumenige. /Koha Jonë/