Rusia me robotë para Kampionatit Botëror, 11 terroristë të vdekur nga aksionet ushtarake

Rusia ka ashpërsuar masat ndaj grupeve terroriste në rajonin e Dagestanit, para kampionatit botëror Rusia 2018.

Në pamjet e publikuara nga mediat ndërkombëtare, forcat elitare ruse shihen teksa i afrohen një vendi ku janë të strehuar dhe veprojnë xhihadistë islamikë, të cilët ishin të stacionuar pranë kufirit me Gjeorgjinë.

Përveç forcave ushtarake, rusët kanë përdorur edhe robotë për të sulmuar terroristët brenda disa ndërtesave, në mënyrë që të mos rrezikohen trupat.

Pas sulmit, në strehimin e tyre u gjetën armë e pajisje të tjera, duke përfshirë edhe një flamur i zi i ISIS’it.

Videoja tregon momentet e sulmit kur terroristët u përballën me zjarr nga mjetet e blinduara të ushtrisë dhe robotit, të cilët arritën t’i eliminonin ata.

Rusia përballet me terrorizëm dhe ekstremizëm islamik që shumë vite në disa rajone të ndryshme, ndërsa shteti ka identifikuar terrorizmin si rrezikun më të madh për mbarëvajtjen e kampionatit botëror që fillon më 14 qershor.