Salah drejt largimit, Liverpuli gjen pasuesin e tij në Francë

Mohamed Salah është futbollisti i momentit në Evropë dhe jo vetëm. Sulmuesi egjiptian ka qenë protagonist këtë sezon si në Premier Ligë ashtu edhe në Champions League. Për këtë arsye gjatë verës parashikohet që të ketë një dyndje ofertash nga klubet e mëdha.

Një nga të dhënat për largimin e tij të mundshëm është se Liverpuli e ka gjetur pasuesin e tij: Nabil Fekir. Mediat franceze shkruajnë se akordi për transferimin e tij është mbyllur për shifrën e 70 milionë euro.

24-vjeçari ka nënshkruar një sezon të suksesshëm te Lioni, duke tërhequr vëmendjen e klubeve të mëdha si Çelsi dhe Atletiko, por Liverpuli është treguar më i shkathët. Fekir ka shënuar 17 gola dhe ka dhuruar 6 asiste në 28 ndeshje në kampionatin francez. /Koha Jonë/