Serena Willimas bie në depresion pas lindjes: Kam frikë se s’do jem një nënë e mirë

Serena Williams ka bërë të ditur se vuan nga depresioni pas lindjes dhe se humbja e saj në San Jose më 31 korrik ka pasur të bëjë me gjendjen shëndetësore të tenistes.

Ajo është shprehur se është e frikësuar, pasi po mendon që nuk mund të bëhet nënë e mirë dhe se depresioni pas lindjes mund t’i zgjasë deri në tri vite.

“Java e kaluar nuk ka qenë e lehtë.

Nuk ka pasur të bëjë vetëm me çështjet e vështira personale, kam pasur shumë frikë.

Shumicën e kohës jam ndierë se nuk jam nënë e mirë.

Kam lexuar disa tekste, ku shkruan se depresioni pas lindjes mund të zgjasë deri në tre vjet”, ka thënë Williams.