Sërish dhunë në derbin e Beogradit, tifozët përplasen mes tyre (VIDEO)

Sërish dhunë derbi i kryeqytetit të Serbisë mes Crvena Zvezdas dhe Partizanit të Beogradit. Skena të frikshme nga tribunat e stadiumit “Marakana”, ku tifozeritë e të dyja skuadrave shfaqen duke u përleshur me njëra-tjetrën apo duke hedhur mjete të forta dhe piroteknike.

Crvena Zvezda fitoi me rezultatin 2-1, praktikisht duke e siguruar titullin kampion, pasi rivalët e përjetshëm kanë mbetur 9 pikë pas.

Një sfidë që përfundoi pas thuajse 10 minutave shtesë, me dy lojtarë të ndëshkuar me kartonë të kuq, një për çdo skuadër në minutën e 99-të, pak pasi Ozegovic i Partizanit shkurtoi 2-1 me 11-metërsh.