Sevija rigjen ritmin e duhur me Montelën, mund Las Palmas (VIDEO)

Sevija është në rrugën e duhur nën drejtimin e trajnerit italian Vincenzo Montella. Skuadra andaluziane mori fitoren e dytë radhazi, teksa në ndeshjen hapëse të javës së 24-t të La Ligës, triumfoi me rezultatin 1-2 në transfertën ndaj Las Palmasit.

Ben Jeder në pjesën e parë dhe Sarabia në të dytën, ishin autorët e golave për Sevijan, ndërsa sulmuesi argjentinas Kaleri ngushtoi shifrat për Las Palmasin, 8 minuta nga fundi i takimit. Me këtë fitore, Sevija ngjitet përkohësisht në vendin e 5-të me 39 pikë, 3 më pak se Reali, por me dy ndeshje më shumë të luajtura.