Shkëlqeu në Kupën e Botës, Januzaj drejt rikthimit në Premier League

Adnan Januzaj mund ta shohim në sezonin e ri sërish në Premier League. Everton ka nisur kontaktet me futbollistin kosovar, të natyralizuar si belg, për një rikthim të mundshëm të tij në Angli.

Januzaj, aktualisht luan në La Liga me Real Sociedad, pasi verën e kaluar u transferua nga Manchester United për 11 milionë euro. Ai bëri një sezon të parë pozitiv në “San Sebastian”, gjë që solli edhe grumbullimin në Kupën e Botës me Blegjikën, ku edhe shënoi një gol në përballjen ndaj Anglisë në ndeshjen e tretë në grupe.

Paraqitja e Januzaj në Botëror duket se ka tërhequr vëmendjen e Everton, që dëshiron ta rikthejë kosovarin në Angli. Për të do të ishte një aventurë e re, pasi më parë ka luajtur me Manchester United dhe i huazuar te Sunderland.