Shkëndija kërkon sonte kualifikimin historik ndaj Sheriff Tiraspolit

Shkëndija do të luajë sot në orën 19:00 ndeshjen e kthimit të turit të dytë në Champions League ndaj Sheriff Tiraspolit. Nisur nga rezultati i takimit të parë 1-0 në favor të kuqezinjve, shpresat janë të mëdha që Shkëndija të kalojë në turin tjetër të këtij kompeticioni.

Sot, ata do të luajnë jo vetëm për të shkruajtur historinë por edhe për të fituar shumën e majme që ofron UEFA në rast fitoreje apo ecurisë së mëtejshme në Champions.

Skuadra maqedonase në rast kualifikimi do të sfidojnë Red Bull Salzburgun, ndërkohë që nëse eliminohen do të luajnë në Europa League.