Shpenzuan 200 mln euro në verë, Milani më keq se sezonin e kaluar

Milani duket se nuk ka “benzinë” në këtë fund sezoni, teksa këtë gjë e konfirmojnë dhe numrat e ndeshjeve të fundit. Humbja e fundit, i ka vënë kapakun një sezoni për t’u harruar.

Duket e pabesueshme, por kuqezinjtë kanë 5 pikë më pak se në sezonin e kaluar. Në të njëjtën periudhë, Milani kishte 59 pikë, ndërkohë që këtë sezon me Montelën dhe Gatuzon, ka grumbulluar 54 pikë.

Kuqezinjtë në fakt mbajnë të njëjtin pozicion në tabelë si sezonin e kaluar, por ekipi kishte 2 fitore më shumë, dhe një humbje më pak në 34 javë. Edhe pse janë shpenzuar 200 milionë euro në verë, zgjedhjet e bëra kanë rezultuar të dështuara. /Koha Jonë/