Shtyhet për të premten takimin Perez-Modric, ja oferta e “galaktikëve”

Dita e premte do të jetë vendimtare për të ardhmen e Luka Modric. Pikërisht më 10 gusht do të zhvillohet edhe takimi i shumëpritur mes presidentit të Realit të Madridit dhe mesfushorit kroat, i cili do të kërkojë largimin nga skuadra ku fitoi tre Champions radhazi (katër në total), për të nisur një epokë të re në karrierën e tij, pikërisht tek Interi në Serinë A.

Reali vazhdon të rezistojë dhe është gatu t’i ofrojë një pagë 12 milionë euro në sezon, por Modric tashmë nuk dëshiron të bëjë prapakthehu. Perez u shfaq i prerë pak ditë më parë kur u shpreh: “E vetmja mundësi që Modric të braktisë Realin është që dikush të paguajë 750 milionë euro).

Zëvendëspresidenti Sanzhez ia ka bërë të qartë mesfushorit se klubi nuk ka plan të privohet nga shërbimet e tij. Por Modric këmbëngul që të largohet, pasi Interi i ofron kontratë katërvjeçare me 10 milionë euro në sezon.