Soue dopietë në Laç, Kukësi befasohet nga Lushnja në pjesën e parë (VIDEO)

Janë mbyllur pjesët e para të tre ndeshjeve që kanë hapur javën e 32-të të Kategorisë Superiore. Skënderbeu po fiton me lehtësi 2-1 ndaj Laçit në transfertë. Ali Soue zhbllokoi ndeshjen që në minutën e 31-të. Bomberi i korçareve mori një pasim fantastik nga Lilaj dhe më pas mposhti portierin Selmani. Soue nuk u ndal me kaq, pasi pas 8 minutash, ai shënoi dhe golin e dytë personal. Lulaj shkurtoi diferencat në minutat shtesë.

Befasia vjen nga Kukësi, atje ku pjesa e parë është mbyllur në barazim 1-1. Sidrit Guri zhbllokoi ndeshjen në minutën e 33-të, por gëzimi i verilindorëve zgjati vetëm 8 minuta, pasi Pepa barazoi nga pika e bardhë. Sfida tjetër Kamza-Luftëtari është mbyllur me rrjeta të paprekura në pjesën e parë. /Koha Jonë/