Spalletti rrit pretendimet: Duhet të fitojmë çdo ndeshje, të tregojmë që jemi Interi

Tekniku i Interit ka rritur pretendimet përpara ndeshjes së radhës kundër Veronës në “Bentegodi”. “Duhet të fitojmë gjithmonë për të mbajtur hapin, nuk mund të jemi të qetë”, tha tekniku i zikaltërve në konferencën për shtyp.

“Duhet të tregojmë që jemi Interi. Skuadra ka gjetur një ekuilibër dhe kështu që skuadra nuk ndërrohet”, tha Spalletti që konfirmoi gjithashtu se për këtë ndeshje do të jenë të gatshëm edhe Vecino që shfaqi shenja lodhje në takimin me Sampdorian, por edhe Brozoviç që mungon prej 2 javësh.