Spanjë, java e 29-të, Neymar para Gjykatës së Lartë, për evazion fiskal

Sporti E Hënë, 19 Prill 2021 03:36

Pas 28 javëve të para në Spanjë, Barcelona kryeson me 28 pikë, katër më tepër se Reali i madridit, që mban vendin e dytë. Por katalanasit përveç se u duhet të mbajnë kryesimin, janë të shqetësuar edhe mbi ç se u duhet të mbajnë kryesimin, janë të shqetësuar edhe mbi çështjen Neymar që sa vjen edhe bëhet më e komplikuar. Lojtari i Barcelonës do të dëshmojë në gjyqin e hapur ndaj Sandro Rosell dhe Josep Maria Bartomeut nga Gjykata e Lartë, të cilët janë kallëzuar nga Prokuroria për fshehjen e shumë së transferimit të brazilianit nga Santosi te Barcelona, duke dëmtuar në këtë mënyrë edhe thesarin e shtetit. Sipas mediave spanjolle, zyra e hetimit do ta përdorë dëshminë e sulmuesit në dosjen kundër dy drejtuesve të lartë të klubit katalanas, të cilët mund të dënohen për mashtrim financiar. Neymar cilësohet si një dëshmitar kyç në këtë çështje pasi ishte vetë ai që hodhi të zezën mbi të bardhë në momentin e transferimit. Fillimisht, ish-presidenti Rosell deklaroi se shuma e blerjes së Neymar ishte rreth 57 milionë euro, por me kalimin e kohës dolën në shesh fakte të tjera që e çonin automatikisht vlerën e brazilianit, sa dyfishi i shumës së deklaruar zyrtarisht. Në këtë mënyrë, Prokuroria spanjolle nisi një hetim për fshehje të detyrimeve financiare ndaj ish numrit 1 të klubit dhe zëvendësit të tij në atë kohë, Josep Maria Bartomeu. Pak kohë më pas, Rosell dha dorëheqjen pas akuzave mbi këtë çështje.