Spinazzola: 7-ën ja dhashë Ronaldos, mendova se z’do vinit për mua …

Pas Cristiano Ronaldos, tek Juventusi ishte radha e Leonardo Spinazzolës për të bërë prezantimin. Mbrojtësi i majtë foli për këtë kapitull të ri në karrierë, por nuk mund të mungonte as edhe një koment për numrin 7, që tek “zonja” do e mbajë Ronaldo.

“Zgjodha 37-tën sepse këtë numër kam pasur edhe tek Atalanta, dhe e mora me vete edhe këtu. Në fakt, numri im i preferuar është 7-a, por nëse nuk gaboj, e kanë zënë tashmë këtu. Le të themi se ia lashë Ronaldos (qesh.) Gjithsesi, ju falënderoj që erdhët të më prisnit.

Pas gjithë atyre tifozëve që dolën për CR7-tën, mendoja se askush nuk do interesohej për mua, dhe pyetjet do m’i bënte agjenti im. Tani kam rreth një javë që jam rikthyer nga dëmtimi, dhe kam filluar me vrapimet. Është një ëndërr që jam rikthyer këtu”, deklaroi mbrojtësi i ardhur nga huazimi nga Atalanta.