Statistikat që tregojnë se përse Interi është zyrtarisht në krizë

Humbja e papritur dje në mbrëmje në “San Siro” kundër Bolognës, ka hapur zyrtarisht krizën e Interit. Zikaltrit tashmë kanë vetëm 5 pikë avantazh nga vendi i katërt, ku është pozicionuar skuadra e Milanit.

Mes shumë statistikave që shpjegojnë vështirësinë e Interit, është një në veçanti që tregon momentin e vështirë në nivelin psikologjik. Në Seria A, Interi është skuadra e vetme që nuk ka arritur që të përmbysë asnjëherë një disavantazh. Asnjëherë, madje duke marrë asnjë pikë, ndërkohë që sa herë kanë kaluar në avantazh, kanë fituar ndeshjen.

Inter është mundur në 6 ndeshje në kampionat, kur rivalët kanë kaluar në avantazh me: Sassuolo-n, Parmën, Atalantën, Juventus, Torino dhe Bolognën.

Një fakt interesant është se në Champions situata ka qenë e kundërt, pasi kan përmbysur dy ndeshje ndj Tottenham dhe PSV. Statistikat në kampionat të lënë të kuptosh se Interi nuk ka më fuqi reaguese, ashtu si në ndeshjen e fundit, ku u mund nga një rival që gjendet në zonën e “ftohtë”. /Rozalb Lika-koha Jone/