Sulmoi autobusin e rivalëve, jepet dënimi për boksierin Conor McGregor

Ish-kampioni i botës në UFC, Connor McGregor ka pranuar të shpallet fajtor pas seancës dëgjimore në sallën gjyqësore në New York.

McGregor është shpallur fajtor për sjellje agresive dhe është detyruar të jetë në shërbim të komunitetit për pesë ditë si dhe të shkojë 1 deri në 3 herë në seanca të kontrollit të nervave.

Ai gjithashtu do të detyrohet të paguajë dëmshpërblim për tre luftëtarë të dëmtuar gjatë sulmit të autobusit në UFC 223.

Marrëveshja për t’u shpallur fajtor nuk do të ndikojë në vizën e udhëtimit të McGregor, dhe do të thotë se “The Notorious” nuk do të futet në burg dhe nuk do të ketë një dosje kriminale.

Në prill të këtij viti, McGregor u arrestua vetëm disa orë pasi sulmoi një autobus që transportonte rivalët e tij.