Surprizë në Angli, drejtimin e Arsenalit e merr ndihmësi i Klop?

Nuk është as Alegri, as Ançeloti, as Luis Enrike, pasuesi i Venger te Arsenali do të jetë një emër surprizë. Bëhet fjalë për boshnjakun Zeljko Buvaç, ish ndihmësi i Klop, që vetëm dje zyrtarizoi largimin nga Liverpuli, për arsye enigmatike.

Ai la të kuqtë për shkak të prishjes së marrëdhënieve të tij me teknikun gjerman Klop, por mediat boshnjake hodhën dritë mbi një tjetër shkak. 56-vjeçarit i është ofruar stoli i Arsenalit dhe madje mes palëve është arritur akordi, ndaj Buvaç do të nisë nga Londra karrierën e tij si trajner i parë.

Klop e ka konsideruar gjithmonë mikun e tij Zeljko Buvaç si trurin e stafit teknik, ndërsa të dy bashkë kanë punuar për 7 vite te Mainci, 7 te Borusia e Dortmundit dhe prej 2015-ës te Liverpuli.