Teuta kërkon përmbysjen e pamundur ndaj Ventspils, ja formacioni zyrtar

Humbja 3-0 në ndeshjen e parë, ja bën një mision të pamundur Teutës sot, që do të sfidojë në Durrës ekipin e Vetspils. Trajneri Shkëmbi ndërkohë nuk i ka humbur shpresat, pasi do të hedhë në fushë një formacion me tipare sulmuese.

Rreshtimi do të jetë 4-4-2, teksa Nikac dhe Busic do të formojnë dyshen e repartit të avancuar. Avdyli, Kallaku, Aleksi dhe Sidibe do të japin një dorë të mirë në mesfushë si për aksionet mbrojtës, por edhe për ato sulmuese.

Bregdetarët do të provojnë që të shënojnë një gol të shpejt për të mbajtur të gjalla shpresat, edhe pse duket e pamundur ndaj letonezëve.