Teuta mbetet pa trajner, Nica largohet dhe e mbyll me futbollin

Humbja e fundit ndaj Luftëtarit, ka qenë vendimtare për fatin e Stavri Nicës në krye të Teutës. Skuadra durrsake luajti një ndër ndeshjet më të dobëta në “Niko Dovana” të shtunën pasdite dhe në përfundim të ndeshjes trajneri, Stavri Nica ka deklaruar dorëheqjen.

Trajneri 63-vjeçar mësohet të jetë shprehur se jo vetëm do te largohet nga drejtimi i skuadrës, por edhe nga ky futboll, të cilin ai e cilëson të turpshëm.

Nica e mori drejtimin e skuadrës në mesin e sezonit, pas largimit të trajnerit Magani.