Theu rregulloren duke hyrë në fushë, Ramos rrezikon pezullim nga UEFA

Serxhio Ramos është një ndër mbrojtësit më të mirë në botë, por lideri i Reali nuk është aspak një person që ke dëshirë të shohësh për veprimet jashtë fushës. Ai mungoi ndeshjen e djeshme dhe e ndoqi sfidën nga tribuna. Gjërat nuk shkuan ashtu siç ai e kishte menduar, dhe Juventusi bëri mrekullinë duke shënuar 3 gola në portën e spanjollëve.

32-vjeçari nuk iu besoi syve që skuadra e tij ishte në disavantazhin e 3 golave dhe u largua nga tribuna duke zbritur në fushën e lojës. Mbrojtësi i theu të gjitha rregullat dhe e ndoqi ndeshjen në hyre te korridorit për në dhomat e zhveshjes, ndërkohë që në fundin e takimit ishte i pranishëm dhe në sherrin mes dy ekipeve. Ramos rrezikon dënimin nga UEFA-a në qoftë se zyrtarët e ndeshjes e raportojnë këtë si shkelje.