Thiago Alcantara mendon rikthimin te Barcelona që këtë verë

Thiago Alcantara vendosi që të braktiste Barcelonën në vitin 2013 për shkak të mungesës së hapësirave, duke zgjedhur që të transferohej te Bayern Munich. Mesfushori spanjoll tashmë po mendon për rrugëtimin e kundërt.

Barcelona tashmë ka nevojë për një lojtar të tillë, duke parë edhe mundësinë e largimit të Rakitiç ndërsa për mesfushorin spanjoll një nga arsyet e këtij vendimi është edhe bashkëshortja Julia Vigas, e cila kërkon tashmë të rikthehet në Spanjë ku ka familjen dhe disa biznese.

Rreth 60 milionë Euro është kostoja e këtij operacioni për Barcelonën ndërsa akordi personal me Thiagon nuk do të ketë asnjë pengesë.