Thohir shet 31 % të aksioneve të Interit te “Lion Rock Capital”

Eric Thohir, i cili bleu aksionet e Interit nga familja Moratti, nuk do të jetë më pjesë e klubit zikaltër, pasi vendosi të shesë edhe 31% të aksioneve që i kishin mbetur ende.

Bosi indonezian shiti shumicën e aksioneve në 2016-ën te kinezët e Suning, që janë edhe aksionerët kryesorë të klubit zikaltër, ndërsa aksionet e mbetura i shiti vetëm sot, te Lion Rock Capital.

Bëhet fjalë për një kompani kineze, e cila është themeluar në vitin 2011 dhe ofron konsulencë dhe mbështetje për sipërmarrjet e mëdha të biznesit, ndërsa tashmë do të ketë 31 % të aksioneve në klubit të Interit.