Tjetërsimi i pronave te “Rana e Hedhun”, blerës edhe prindërit e Berishës

Pjesë e tokës së vënë nën sekuestro preventive në zonën e bregdetit në vendin e quajtur “Rana e Hedhun”, pjesë e Njësisë Administrative Shëngjin, i përket edhe prindërve të Etrit Berishës.

Në fakt, prindërit e portierit që luan me Atalantën në Serinë A, kanë blerë tokë te “Rana e Hedhun” nga personat që mendohet se i kanë tjetërsuar pronat.

Pas arrestimit të kryebashkiakut të Lezhës dhe 6 zyrtarëve të tjerë për problemet me pronën në fjalë gjatë ditës së sotme, me urdhër të Prokurorisë janë sekuestruar pesë parcela toke me një sipërfaqe prej 258 324 m2.

Toka e sekuestruar ndodhet në zonën e bregdetit në vendin e quajtur “Rana e Hedhun”, pjesë e Njësisë Administrative Shëngjin.