Tosno për “Guinness”, shikon “dritë dhe terr” brenda javës

Futbolli është vërtetë një sport me dy anët e medaljes dhe kjo është vërtetuar dhe sot.

“Pre” e topit të rrumbullakët ka rënë skuadra ruse e Tosno që pasi siguroi pak ditë më parë Kupën e Rusisë, që ishte edhe e para në historinë  e saj 5 vjeçari, ka dështuar për të mbijetuar në SuperLigën vendase, duke “rrëshkitur” në një kategori më poshtë. Disfata e thellë me Ufa me shifrat 5-0 ishte vetëm humbja e fundit për skuadrën e drejtuar nga Dmytro Parfyonov.

Në 30 javë kampionat, Tosno la pas vetes vetëm SKA Khabarovsk, duke grumbulluar 24 pikë.