Totenhem dhe Çelsi mund të mbeten pa Champions edhe nëse renditen në vendin e 4-t

Totenhemi dhe Çelsi kanë ende shanse për të siguruar një biletë për në Champions League në sezonin e ardhshëm. Gjithsesi ekziston një skenar që asnjë prej tyre të shkojë në Ligën e Kampioneve, pavarësisht nëse do të renditen në vendin e 4-t.

Nëse të dyja ekipet londineze do të renditen sipër Liverpulit në fund të sezonit dhe “reds”-at dhe Arsenali fitojnë Champions-in dhe Ligën e Europës muajin e ardhshëm, atëherë Anglia do të ketë 6 skuadra të “kualifikuara” në Ligën e Kampioneve për sezonin e ardhshëm.

Por, rregullorja e UEFA-s i lejon një federate që të dërgojë jo më shumë se 5 klube në Champions, çka do të thotë se vendi i 4-t i Premier Ligës do të jetë i detyruar që të luajë në Ligën e Europës. Një skenar i tillë është shumë i vështirë që të ndodhë, por në futboll asgjë nuk është e pamundur.